Una domenica con... Vincenzo De Simone

Vincenzo De Simone nacque a Villarosa (EN) il 19 novembre 1879. Nonostante l’amore per la letteratura, si laureò in Medicina all’Università di Catania ed esercitò la professione medica a Milano. La lontananza e il ricordo della terra natia lo portarono a scrivere versi struggenti e malinconici che furono tradotti in francese dall’artista Armand Goduy a riprova dell’elevata qualità della sua opera.Le sue poesie più famose sono: “Bellarosa, A la Riddena, La funtana, Canzuni a lamentu”, opere nelle quali si percepisce chiaramente la nostalgia e la bellezza della sua terra, i costumi siciliani e l’odore delle miniere di zolfo.Morì a Milano il 12 aprile del 1942.Ecco alcuni dei suoi canti:

LUNTANU E PRISENTI

Cch’è beddu, Gnàziu miu, lu me paisi,

‘mmenzu a li vuddi e ‘mmenzu a li surfari,

e a cu’ cci veni, ca ‘un havi pritisi,

amuri e pani ‘un ci nni fa mancari

E si vidissi, Gnàziu, ‘ntra giugnettu

chi festa granni supra l’àira tunna;

li muli, ca cci dùnanu di pettu,

e lu turnanti ca li greggi arrunna;

e guarda a ddu funnali Muncibeddu

a la sdossa di tutti li muntagni;

guarda la Pitralìa, ca fa casteddu,

e Gangi ‘nfacci, ca cci fa li ‘ncagni:

guarda lu Sarsu e lu ciumi Mureddu,

ca stenni la spicchiera a li campagni

tutti li stiddi a li so’ firmamenti,

la luna, ca va annannu, e guarda a mia;

li papanzichichi ccu li so’ sturmenti,

lu jacobbu, luntanu, ca picchìa;

e li cani, ca abbàjanu a li venti,

Li surfarar su’, li nostri santi,

ca nun hannu ‘nnimici e sunu ‘n guerra;

trapàssanu la vita a li vacanti,

la morti li smacedda e si l’afferra;

terra biniditta,

ca sempri chiama, e ammatula m’aspetta.

LI ROSI

Stamatina li rosi a la ‘mpruvisa

si sdravacaru di li so’ buttuna,

e mi guardanu ‘nzinnu, ad una ad una,

ccu l’occhi sbersi e la vuccuzza a risa;
e la madama si misi ‘n pritisa,

la marascialla li russi galluna,

e la riggina la manta e la cruna,

e l’urtulana la bianca cammisa;
e tutti a ròcchia ccu li pitturini,

trunti di li so’ pàmpini sbampanti,

- e cu’ cchiù potti, s’ammucciau li spini -
rasu e villutu, mi vinniru avanti

ccu li stissi fraganzi e l’armuini

di li me’ antichi e gurliusi amanti.