La casa mia campau du sulu pani,
picchì di sulu pani si campava,
quannu lu mari ìun dava
me' patri, cuntrariatu, bistimiava,
bistimiava, ma doppu si pintia:
"Signori, pirdunatimi Maria!
"Una sira di 'nvernu
La varca la lassau 'nfunnu la stisa,
picchì lu mari puru bistimiava,
la varca unn'affranchiu mancu la spisa
e me' matri prigava.
Comu trasiu me' patri,
ccu ll'occhi chini di fangu e di sali,
mi parsi quannu l'unna di lu mari,
si jisa, arruzzulia,
e mmiscata di alica e di rina,
scasa li scogghi e scoti la marina:
"Sangu di la!… lu nomu nun lu dicu,
m'agnuniavi e mi fici nicu nicu…
Di la sacchetta d'un falari biancu,
vagnatu di li lacrimi d'amuri,
me' matri, pasta antica,
mi desi un pezzu tantu di muddica
e dissi: "E ringraziamu lu Signuri!"
Post
2 commenti:
A parte qualche parolina che non capisco, mi è piaciuto leggerla.Un altro saccense illustre vero?
ciao Calogero, a presto
si, paola.. un altro saccense che è conosciuto per la sua arte poetica e teatrale in molte zone della Sicilia e d'Italia.. sono contento ti sia piaciuta.. un grande poeta dialettale.
buona domenica, ciao
Posta un commento